Mga suliraning kinakaharap ng mga amang walang sariling tahanan sa pagganap ng kanilang tungkulin sa kanilang pamilya.

• Main Authors: Flameno, Krista Claudine P., Valdez, Nativity L., Villarruz, Virgil Daniel R.
• Format: text
• Language: Filipino
• Published: Animo Repository 2001
• Subjects: Home economics; Applied Behavior Analysis; Human Factors Psychology
• Online Access: https://animorepository.dlsu.edu.ph/etd_bachelors/10207
• Institution: De La Salle University

Ang pag-aaral na ginawa ay tungkol sa mga suliraning kinakaharap ng mga amang walang sariling bahay sa pagganap sa kanilang tungkulin bilang ama sa kanyang pamilya. Pinag-aralan ng mga mananaliksik ang mga posibleng dahilan kung bakit nagkakaroon siya ng problema sa pagganap ng mga tungkulin dahil siya at ang kanyang pamilya ay nakikitira lamang sa kanyang mga magulang. Ang mga kalahok ng nasabing pag-aaral ay nakapagbahagi ng kani-kanilang mga saloobin at pananaw ukol sa sitwasyon kanilang kinakaharap sa buhay. Maliban sa mga ito, ang pinakamahalagang naibahagi nila ay ang kanilang mga pang-araw-araw na karanasan lalu na ang mga ninais na pag-aralan ng mga mananaliksik na ang kanilang mga suliranin kinakaharap sa kanilang estado sa buhay. Maraming nakitang magkakatulad na pangyayari na pinagdaanan sa buhay ng mga naging kalahok, ngunit mayroon ding mga pagkakaiba. Bagama't ang mga kalahok ay nasa magkakasintulad na sitwasyon, sila ay may kani-kaniyang personalidad, pinagmulan at kinalakhan na humubog sa kanilang pagkatao. Ang mga mananaliksik ay nagkaroon ng pagkakataong makita ang iba't ibang dimensyon ng isang sitwasyong tulad ng pag-aaral ukol sa mga amang walang sariling tahanan sa pagganap ng kanyang tungkulin sa kanyang pamilya.