UBERnisasyon: Isang pag-aaral sa nababagong kultura ng pagsakay

• Main Author: Torres, Rubini Michel C.
• Format: text
• Language: Filipino
• Published: Animo Repository 2017
• Subjects: Automobile drivers > Philippines; Automobile occupants > Philippines; Transportation > Philippines; Communication
• Online Access: https://animorepository.dlsu.edu.ph/etd_bachelors/2871
• Institution: De La Salle University

Mainit, mausok, at mahaba ang pila. Ito ang ilan sa nararanasan ng mga Pilipinong mananakay. Nakasanayan ng mga komyuter ang pahirapang pagsakay. Sa pagdating ng ridesharing app na Uber sa bansa, binago ng inobasyon nito ang maraming sektor ng lipunan ng bansa. Bukod sa ambag at epekto ng Uber sa ekonomiya, trapiko, teknolohiya, at transportasyon, higit na nagkaroon ng makabuluhang epekto ang pagtangkilik ng Uber riders at pagsali ng Uber-partners sa Uber sa kultura ng pagkomyut. Ang mga pangyayaring io ay nakalikha at nakapagpabago sa paraan ng pagsayay ng mga Pilipinong pasahero, na tinuklas at binigyang-paglalalim sa pananaliksik na ng mga ito. Nagpokus din ang pananaliksik sa mga salik ng Uber na nakapag-uuduok sa mag Uber rider na sumakay at mga Uber-partner na sumali sa Uber, upang lubos na maunawaan ang dulot nitong panibagong kultura sa pagkomyut. Sinuri at pinaghambing sa tesis ang pinagkaiba ng paraan ng pagkomyut ng mga pasahero bago umusbong ang Uber at sa panahon ng kasalukuyan nitong kaunlaran. Pinagtibay ang pag-aaral sa pamamagitan ng pakikipanayam sa dalawampung Uber riders (10) at Uber-partners (10), obserbasyon ng pag-uugali at tunay na karanasan ng Uber-partners batay sa posts sa mga eksklusibong Facebook groups (Uber Grab Driver Operator Rider Philippines at Uber Philippines) para sa Uber-partners, at ang sariling karanasan at persepsyon ng mananaliksik sa Uber na masugid ding pasahero nito.