Eat, Train, Operate, Repeat: Ang Karanasan ng mga Orthopedic Ironman Triathletes sa kanilang Isport at Propesyon

• Main Authors: Jose, Monica Isabel, Tarrosa, Martha Alyanna Lainey G.
• Format: text
• Published: Animo Repository 2021
• Subjects: doctor-athlete; orthopedic; triathlete; triathlon
• Online Access: https://animorepository.dlsu.edu.ph/conf_shsrescon/2021/paper_fnh/6; https://animorepository.dlsu.edu.ph/context/conf_shsrescon/article/1619/viewcontent/FNH_Eat__Train__Operate__Repeat_Ang_Karanasan_ng_mga.pdf
• Institution: De La Salle University

Ang mga Orthopedic Ironman Triathlete ay bihira sa propesyon ng mga doktor. Kadalasan ay malay o mulat sila sa mga maaaring mangyari sa sandaling sumabak sila sa ganitong uri ng isports. Gayunpaman may iilang mga doktor ang naniniwalang may malaking pakinabang ito sa kanilang propesyon. Kaugnay nito nakatuon ang pag-aaral sa pagsusuri sa mga karanasan ng mga Orthopedic Ironman triathlete. Gumamit ang mga mananaliksik ng 15 gabay na tanong na ginamit upang makapanayam ang 13 orthopedic triathletes mula sa iba’t ibang ospital sa Pilipinas tungkol sa kanilang mga motibasyon, hamon, at estratehiya. Batay sa isinagawang pagsusuri, natuklasan na ang mga motibasyon nila ay pagbuo ng relasyon sa ibang tao, pagkakaroon ng kredibilidad bilang orthopedic doktor, pagkakaroon ng positibong mental at pisikal na estado/kalusugan, kilalanin ang kakayahan ng sarili, at ang kanilang debosyon sa isport. Habang ang mga hamon na kanilang kinaharap ay ang work-life balance, mental na abala, pisikal na kadahilanan/salik, available resources, panlabas na kadahilanan/sanhi, responsibilidad bilang doktor, at pisikal na abilidad ng katawan pagdating sa pagganap sa isport. Panghuli, ang mga estratehiya na kanilang isinasagawa upang mabalanse ang pagiging doktor at isports ay ang distribusyon ng oras; pisikal, medikal, at kalusugang pangangailangan; pag-unawa at paggamit ng kaalamang pangmedikal at isport; paniniwala, at self-care. Batay sa mga lumabas na pagsusuri, natuklasan na ang mga Orthopedic Triathlete Doctor ay nakaranas ng mga hamon na may kaagapay na benepisyo sa kanilang propesyonal na buhay at kalusugan, bagama’t mahirap itong pagsabayin nalagpasan nila ito dahil sa mga estratehiyang kanilang isinagawa.