Ang sentral na katangian na nakakaimpluwensy

• Main Authors: Fernandez, Christine, Realo, Michelle E.G. de los Reyes, Riototar, Ivy Perpetua Garcia.
• Format: text
• Language: Filipino
• Published: Animo Repository 1995
• Subjects: Personality; College students; Youth; Characters and characteristics
• Online Access: https://animorepository.dlsu.edu.ph/etd_bachelors/9557
• Institution: De La Salle University

Nais alamin ng pag-aaral na ito kung alin sa anim na mga katangian (matalino-bobo, mayabang-di-mayabang, magaling makisama-di-magaling makisama) ang maaaring maging sentral na katangian at maghahanap din kung mayroon pang ibang sentral na katangian bukod sa mga nabanggit. Aalamin din kung may pagkakaiba ba ang katangiang mapipili ayon sa kasarian at sosyo-ekonomikong antas. Ang research design ay semi-exploratory-confirmatory at 540 suma-total ang mga kalahok. May kinuhang 180 kalahok sa tatlong paaralang napili base sa halaga ng matrikula sa bawat semestre at ito ay hahatiin sa 60 para sa tatlong pangkat ng mga sarbey na ibibigay sa iba't-ibang araw, sa iba't-ibang tao sa pamamagitan ng non-probability sampling. Sa sarbey A, madalas na napiling negatibong katangian ang mayabang, at iba't-iba ang kaparis nitong positibong katangian ngunit mas madalas ang mabait, ngunit di gaanong markado. Chi-square test of independence ang ginamit upang suriin kung may makabuluhang kahalagahan nga ba ang kasarian sa pagpili ng negatibo o positibong katangian sa bawat sosyo-ekonomikong antas sa sarbey B. Dalawa lamang ang may kabuluhang relasyon: ang mga lalaki mula sa mataas na antas pangsosyo-ekonomiko sa positibong katangian at ang mga babae mula sa gitnang antas pangsosyo-ekonomiko sa negatibong katangian. Ginamit naman ang Spearman Rho Rank Order Correlation upang alamin kung ang kabuuang impresyon ng mayabang na sentral na katangian ay may relasyon sa kabuuang impresyon ng mapagkumbabang sentral na katangian. Ang resulta ay mababa ang relasyon sa lahat ng lalaki at maliit ang bahagdan ng pag-uugnay. Sa mga babae mula sa mababa at mataas na sosyo-ekonomikong antas, mataas ang pag-uugnay at mula sa gitnang itaas naman, mayroong mababang relasyon. Sa kabuuan, posibleng mayabang ang negatibong katangian ngunit hindi pa tiyak ang kaparis nitong positibong katangian upang matawag silang sentral na katangian.