Angat si misis, paano si mister?: Isang pag-aaral sa karanasan ng mga mag-asawa

• Main Authors: Cojuangco, Maria Cecilia M., Ramos, Cita Jane O., Reyes, Maricel D.
• Format: text
• Language: Filipino
• Published: Animo Repository 2000
• Online Access: https://animorepository.dlsu.edu.ph/etd_bachelors/11727
• Institution: De La Salle University

Ang pag-aaral na ito ay naglalayong makapagbigay ng masusing pagsasalaysay sa mga roles, suliranin, benepisyong nakukuha, at mga salik na nagpapanatili sa pagsasama ng mga mag-asawang nasa ika-lima o ika-anim na yugto ng kanilang pagsasama at nakakikitaan ng WASP pattern. Exploratoryo ang disenyo at pakikipanayam ang ginamit na metodo para sa pagkalap ng mga datos. Bumuo ng isang semi-structured na gabay na katanungan upang makakuha ng karampatang mga impormasyon na kinakailangan sa pag-aaral. Ang siyam na kalahok ay nahanap sa pamamagitan ng pagtatanung-tanong sa mga malapit na kakilala. Sa pag-aanalisa ng mga kaso, napag-alamang ang karaniwang suliranin ng mga mag-asawa ay mahahati sa mga kategoryang pinansyal, pananaw, pakiramdam, oras, anak, at bisyo o ugali. Karaniwan sa mga kaso na ang mga asawang babae ay may multiple roles gaya ng gawaing bahay, at pangangalaga sa mga anak. Para naman sa mga kalalakihan, pangkaraniwan ang pagkakaroon ng mga tungkuling tradisyonal na pambabae. Sa mga benepisyong nakalap mula sa pananaliksik, may apat na kategoryang nabuo at ang mga ito ay ang availability, praktikalidad, pansariling kaunlaran, at magandang samahan. Huli sa lahat, nakita rin sa mga datos na ang mga salik na nagpapanatili sa pagsasama ng mga mag-asawa ay mahahati sa mga kategorya ng pakikitungo, ugali, at mga pinapahalagahan.