Mabisang paraan ng pagtawad

• Main Authors: Ong, Cristina C., San Pedro, Frances Mae S., Tan, Anna Patricia M.
• Format: text
• Language: Filipino
• Published: Animo Repository 2001
• Online Access: https://animorepository.dlsu.edu.ph/etd_bachelors/11730
• Institution: De La Salle University

Ang pag-aaral na ito ay tumatalakay sa dalawang paraan ng pagtawad-kognitibong paraan at apektibong paraan. Kognitibong paraan ang ginamit kapag ang mamimili ay nagbibigay ng katwiran kapag siya ay tumatawad. Apektibong paraan naman kapag ang mamimili ay kinukuha ang simpatiya at umaapila sa emosyon ng tindera. Gumamit ng dalawang paraan ang pag-aaral na ito, una ay ang pag-oobserba at ang pangalawa ay ang aktwal na eksperimento. Lumalabas sa pag-oobserba na ang madalas gamitin ng mamimili sa paghingi ng tawad ay ang kognitibong paraan. Napag-alaman rin na ang pagiging suki ng isang mamimili ang pangunahing dahilan kung bakit nagbibigay ng tawad ang tindera. Ang pangunahing dahilan naman ng di pagbibigay ng tawad ng mga tindera ay ang pagkakaroon ng tapat na presyo o fixed price . Sa ginawang aktwal na eksperimento lumalabas na walang pagkakaiba sa bisa sa paghingi ng tawad ang kognitibong paraan at apektibong paraan.