SALI ... ang pag-unlad ng kakayahang makipag-ugnayang sosyal ng mga bata

• Main Authors: Alejandrino, Clarissa J., Apostol, Aissa L., Lorenzana, Patricia C.
• Format: text
• Language: Filipino
• Published: Animo Repository 1999
• Online Access: https://animorepository.dlsu.edu.ph/etd_bachelors/11799
• Institution: De La Salle University

Ang pag-aaral na ito ay naghahangad na malaman at maintindihan ang konsepto ng pagsali ng bata sa pakikipagkaibigan. Nais masagot ang mga katanungang anu-ano ang mga sitwasyon, pamamaraan at pananahilan ng isang bata sa kanyang pagsali. Tatlong paaralan ang naobserbahan sa pag-aaral, ang Salome L. Tan, Betty's Bellarmine Academy, at Estrada Nursery and Tutorial Center. 62 ang bilang ng lumahok mula sa tatlong antas pang preparatory school years na Nursery, Kinder at Prep. Mula sa 62 na ito, 25 ang nagpakita ng behebyur na pagsali. Ang 25 na ito ang inobserbahan ng mabuti sa pamamagitan ng di-namamalayang pagmamasid at dito nakita ang mga sitwasyon at pamamaraan ng pagsali ng bata. Nagsagawa din ng kuwentuhang pangpangkat upang malaman ang dahilan sa kanyang pagsali. Ayon sa resulta, ang bata sa antas na Nursery ay pinahahalagahan ang laruan sa kanyang pagsali. Ang antas na Kinder naman ay binigyang halaga ang grupo. Mas sumasali sa grupo, may laruan man ito o wala. Wala namang partikular na sitwasyon o panahilan sa pagsali ang batang nasa antas na Prep. Ito ay nagpapakita na marunong na silang makibagay sa sitwasyon na kinaroroonan nila. May pagkakaiba mang naita sa pag-aaral sa tatlong antas na pangedukasyon, makikita pa rin ang continuity o pagkakasunod-sunod ng kanilang debelopment. Nakita rin na ang mga bata sa pag-aaral ay mayroon nang kakayahang makipagkaibigan at hindi na nila kailangan ang tulong ng mas nakakatanda.