Isang pagtalakay sa Latin Isqweyr at ilang mga aplikasyon nito

• Main Authors: Canlas, Cyrene S., Ramos, Reynante C.
• Format: text
• Language: English
• Published: Animo Repository 1998
• Subjects: Magic squares; Combinatorial analysis; Binary system (Mathematics); Programming (Mathematics)
• Online Access: https://animorepository.dlsu.edu.ph/etd_bachelors/16434
• Institution: De La Salle University

Ang tisis na ito ay isang eksposisyon tungkol sa Latin isqweyr at ilang mga aplikasyon nito. Nakasulat sa pananaliksik na ito ang ilan sa mga teorem at katuringan ng mga terminolohiyang may kaugnayan sa Latin isqweyr na ortogonal. Ang Latin isqweyr na may order n ay isang talaang n x n na gumagamit ng mga numerong buumbilang mula 1 hanggang n bilang mga elemento nito, na kung saan ang bawat elemento ay makikita ng iisang beses lamang sa bawat hilera at kolum. Ang Latin isqweyr ay mahalaga hindi lamang sa Kombinatoriks, kungdi pati na rin sa Disenyo ng mga Eksperimento. Pinapakita rin ng tisis na ito ang ilang mga disenyo sa pananaliksik na tuwirang gumagamit ng Latin isqweyr. Ang tisis na ito ay isinulat sa wikang Filipino. Isa na naman itong pagpapatunay na ang Filipino, bilang medyum ng komunikasyon, ay angkop din sa mga teknikal na larangan tulad ng Matematika. Sa pamamagitan ng paggamit ng nasabing wikang, inaasahan ng mga mananaliksik na lalong maiintindihan ng mga mambabasa ang tisis na ito.