Ang Baclaran at ang Perpetual Help: Pagmamapa sa kulturang popular na pananampalataya

• Main Author: Cleto, Jasper Paul A.
• Format: text
• Language: Filipino
• Published: Animo Repository 2008
• Subjects: Commerce > Philippines > Baclaran (Paranaque City); Religion
• Online Access: https://animorepository.dlsu.edu.ph/etd_bachelors/2315
• Institution: De La Salle University

Nagtatagpo sa espasyo nang Baclaran ang relihiyon at ang kulturang popular. Ang dalawa na ito ay ang humuhubog sa araw-araw na pamumuhay nang tao. Sinuri nang thesis na ito ang espasyo ng pananampalataya at ang espasyo ng komersyo sa Baclaran. Ang mga espasyo na ito ay may kani-kanilang deboto. Kakaunti pa lang ang mga nagsulat sa kasaysayan ng Baclaran. Mula Cawayanan dumaan sa madaming pagbabago at ngayon tinawag na itong Baclaran, minapa ito bilang espasyong historikal. Kabilang sa minapa ay ang kasaysayan ng simbahan. Simula ng dumating ang mga Redemptorist, at ngayon ay naging Pambansang Dambana na nang Ina ng Laging Saklolo, sinuri ang imahen ni Maria sa pamamagitan ng Icon nito at ng nobena na dinadasal sa simbahan. Kasama din na tiningnan ang tatlong uri ng mga tao na matatagpuan sa loob ng simbahan: ang debotong perpetwal, debotong nangangailangan at ang kasambahan. Ang kanilang mga kahilingan ay sinuri sa pamamagitan ng pagbabasa ng kanilang mga liham. Sinipat din ng risertser ang Baclaran bilang 24/7 na espasyong komersyo at ang simbahan nito bilang Church of the Stars. Sentro ng kulturang popular na pananampalataya ang libo-libong deboto sa Baclaran. Isang diskurso ang espasyo ng Baclaran. Sa pagsusuri ng espasyo na ito gumamit ng ethnology ang risertser at nakilahok sa mga tao sa Baclaran.