Kanlungan, kalikasan, at kuwentong bayan: Isang sosyo-kultural na pagmamapa ng Malangaan sa Tukod, San Rafael, Bulacan

• Main Author: Villasfer, Maria Krisandra C.
• Format: text
• Language: Filipino
• Published: Animo Repository 2012
• Subjects: Sacred space > Philippines > San Rafael; Bulacan; Historic sites > Philippines > San Rafael; Creative Writing
• Online Access: https://animorepository.dlsu.edu.ph/etd_bachelors/2706
• Institution: De La Salle University

Ang tesis na ito ay tungkol sa pag-aaral ng sagradong pook ng Malangaan ng Tukod, San Rafael, Bulacan. Ang Malangaan ay isang pook na binubuo ng mga kuweba, ng malalaking tipak ng batong marmol, at ng bukal. Ginamit sa tesis na ito ang pagmamapang kultura upang matukoy ang mga aspektong nagtatakda sa Malangaan bilang isang historikal na sagradong pook. Ilan sa mga naging metodo ng mananaliksik ay etnograpiya at ang Oral History o ang tape recorded interviews na pinagyabong ni Foronda sa Pilipinas. Nagsagawa ng mga KIT o key informant technique at FGD o focused group discussion ang mananaliksik sa pamayanan ng Tukod upang tugunan ang kahingian ng pag-aaral na ito. Ginamit at pinagbatayan din ng mananaliksik ang konsepto sa librong Sacred Sites, Sacred Places (1994) nina Carlmichael, Hubert, at Reeves ang konsepto ng Kasaysayang Pampook at Pantayong Pananaw ni Zeus Salazar mula sa Pantayong Pananaw: Ugat at Kabuluhan (1997) at ang Local History sa From Memory to History (1981) upang maging mas maayos ang daloy at pagpapaliwanag kung ano ang nagtatakda sa Malangaan bilang isang historikal na sagradong pook.