Ang repormista, tagapaglingkod, tagapagtaguyod at tagapagmana: Isang pag-aaral sa naratibo ng mga political tarpaulin sa Lungsod ng Quezon para sa taong 2009

• Main Author: Acio, Genevieve M.
• Format: text
• Language: Filipino
• Published: Animo Repository 2010
• Subjects: Political campaigns > Philippines > Quezon City; Politicians > Philippines > Quezon City; Tarpaulins; Political Science
• Online Access: https://animorepository.dlsu.edu.ph/etd_bachelors/2709
• Institution: De La Salle University

Ang pag-aaral na ito ay tumutugon sa problema na naglalayong tuklasin ang paraan kung papaano binebenta ng mga politiko ang kanilang sarili gamit ang political na tarpulin. Sa pagtuklas nito ay lumabas sa pagsusuri ang paggamit sa apat na naratibong makikita sa mga political tarpaulin sa lunsod Quezon. Ang mga ito ay ang naratibo ng repormista, tagapaglingkod, tagapagtaguyod at tagapagmana. Mula sa pagsusuri ng mga ito nakita na mayroong dalawang pangunahing katangian na makikita sa mga politiko: ang pagiging bukas palad sa paghahatid ng mga serbisyong publiko at ang pagkakaroon ng damdamin at diwang nakatuon sa reporma. Nalaman din mula sa pagsusuri na mahalaga para sa mga politiko na mai-ugnay ang kanilang sarili sa mga kinikilalang tao at institusyon sa lipunan. Ito ang dahilan ng madalas na pag-uugnay ng mga politiko sa kanilang sarili kina mayor Sonny Belmonte at Ninoy Aquino. Ito rin ang nakikitang dahilan sa madalas na paggawa ng mga ito ng proyekto at programang may kinalaman sa edukasyon, simbahan, kalikasan at iba pa. Panghuli, natuklasan din na sa paggawa ng tarpaulin ay maraming mga salik ang isinasaalang-alang sa paggawa. Ilan sa mga salik na ito ay ang tema, target audience, isyung panlipunan, at maski ang personal at political background ng politiko.