Dalagang ina: Telon at katotohanan: Pagdalumat sa imahe ng dalagang ina sa loob at labas ng mga piling pelikulang Pilipino

• Main Author: Viray, Kristine Rochel E.
• Format: text
• Language: Filipino
• Published: Animo Repository 2010
• Subjects: Unmarried mothers > Philippines; Unmarried mothers in motion pictures; Mass Communication
• Online Access: https://animorepository.dlsu.edu.ph/etd_bachelors/2739
• Institution: De La Salle University

Panlahat na layunin ng pag-aaral na ito na maisalarawan ang naratibo ng buhay at karanasan ng isang dalagang ina sa lipunang Pilipino gamit ang piling pelikulang Pilipino. Kaakibat ding layunin ng pag-aaral na ito na (1) maisalarawan ang naratibo ng buhay at karanasan ng isang dalagang ina sa mga pelikulang Pilipino (2) maisalarawan ang naratibo ng buhay at karanasan ng isang dalagang ina sa kanyang intrapersonal na pananaw at interpersonal na pakikipag-ugnayan at (3) talakayin kung tunay aga bang naisasalamin ng mga piling pelikulang Pilipino ang realidad ng buhay ng mga dalagang ina. Kinasangkapan ng pag-aaral na ito ang content analysis, character analysis, at survey research (Maka-Pilipinong Pananaliksik) upang makamit ang mga layunin. Natuklasan sa pag-aaral na ito at sa pakikipanayam sa ilang dalagang ina na hindi lubusang naisasalamin ng pelikulang Pilipino ang buhay at karanasan ng mga dalagang ina. Tama man ang ipinakikita ng pelikula ay mayroon parin itong mga kakulangan.