Basketbolera: Pagbibigay ng identidad ng mga manlalaro ng Pinay Ballers League na hango sa konsepto ng gender performativity ni Judith Butler

• Main Author: Anselmo, Abiel Thomas T.
• Format: text
• Language: Filipino
• Published: Animo Repository 2016
• Subjects: Women basketball players > Philippines; Basketball > Philippines; Basketball players > Philippines; Streetball > Philippines; Women > Philippines; Mass Communication
• Online Access: https://animorepository.dlsu.edu.ph/etd_bachelors/2869
• Institution: De La Salle University

Ang pag-aaral nito ay tungkol sa mga babaeng manlalaro ng Pinay Ballers League, at ang pagdidiskubre ng kanilang mga identidad. Sa loob ng basketball court , sila ay mga magigiting na manlalaro na gagawin ang lahat para ipakita na sila'y magaling sa kanilang katapat, at para maipanalo ang kanilang koponan. Sa labas ng basketball court, sila'y mga babaeng mayroong tungkulin bilang isang anak sa kanilang magulang, kapatid sa kanilang mga kapatid, mag-aaral sa kanilang paaralan, empleyado kung saan sila nagtatrabaho, at babae sa lipunan. Gamit ang teorya ni Judith Butler ukol sa Gender Performativity, ang kanilang identidad ay bibigyang katibayan ayon sa kanilang mga kilos, isip at damdamin. Ang kanilang mga kilos ang pisikal na batayan ng kanilang pagkatao. Ang kanilang mga isip naman ay ang tumatakbo sa kanilang utak sa mga bagay-bagay na nangyayri sa kanila at sa kanilang kapaligiran. Ang kanilang damdamin ang mga saloobin nila sa larangan ng basketball, sa mga minamahal nila sa buhay, at ang kanilang mga binabalak sa kinabukasan tulad ng pag-ibig at pamilya. Ang mga ito'y hahanapin para bigyang identidad ang mga babaeng manlalaro ng Pinay Ballers League, at baka sakali, ito'y maging daan para sa pagkakaroon ng mas maraming mga manlalarong kababaihan ng basketball, bunga ng mga inspirasyon na ihahayag ng mga manlalaro na makakasama sa aral na ito.