Ang pagsulong sa kultura at kaakohang Caviteno ng pamamahalang Remulla

• Main Author: Maturingan, Donnawel R.
• Format: text
• Language: Filipino
• Published: Animo Repository 2016
• Subjects: Politics; Practical > Philippines; Families > Philippines; Political participation > Philippines; Philippines > Politics and government; Social and Behavioral Sciences
• Online Access: https://animorepository.dlsu.edu.ph/etd_bachelors/2880
• Institution: De La Salle University

Ang pag-aaral na ito ay tungkol sa isang ispesipikong aspekto ng politika sa lalawigan ng Cavite. Ito ay ang kultura at kaakohan ng mga taong naninirahan rito o ng mga Caviteno. Isisiwalat ng pag-aaral na ito ang mga paraang ginawa o gagawin pa lamang ng tatlo sa mga politico ng probinsya na kabilang sa angkang Remulla. Ang mga Remulla ay isang kilalang pamilya sa nasabing lalawigan sapagkat matagal na nila itong pinamumunuan. Nagsimula ito sa pagtayo ni Gov. Juanito Remulla, Sr., noon bilang gobernador na sinundna ng kaniyang mga anak. Pokus ng tesis na ito sina Gov. Juanito Victor Jonvic Remulla na naging gobernador sa loob ng anim na taon, si Gov. Jesus Crispin Boying Remulla na kasakukuyang gobernador ng Cavite, at si BM Rolando Andoy Remulla na naging provincial board member naman. Mababasa rito ang isang introduksyon tungkol sa kung sino nga ba ang mga Remulla, saan at kelan sila nag-umpisang mamuno sa Cavite, at ang mga kontribusyon ng pamamahalang ito sa kalagayan ng naturang lalawigan. Makikita rin ang ilan sa mga kaugnay na literature na tungkol sa probinsya ng Cavite. Ang ilan rito ay tungkol sa kasaysayn ng probinsya, ang ilan naman ay tungkol sa administrasyong Remula simulla noon, ang iba ay tungkol naman sa mga materyal na nagsasabi ng kalagayan ng probinsya noon. Ito ang mga sangguniang ginamit ng mananaliksik upang makapagkalap ng mga adisyonal na impormasyon sa kung ano ang Cavite noon at kung gaano na kalaki ang pinagbago nito ngayon. Makikita rin ang teoryang ginamit na Cultural Identity Theory at kung paano ito konektado sa pag-aral na ginawa. Kasabay nito, tinalakay rin ng tesis ang mga perspektibo o pananaw ng tatlong nasabing politico tungkol sa kultura at identidad ng mga Caviteño. Para sa kanila, sino o anong klaseng tao nga ba ang kanilang mga hinahawakan? Kasama rito ang pag-alam sa kung ano nga ba ang pananaw naman ng sambayanang Caviteño sa kung sino nga ba sila bilang mga Caviteño at mamamayan ng bansa. Makikita rin ang paghahambing ng dalawang panig. Nagtutugma ba ang mga ito o hindi compatible ang mga pa[n]anaw ng mga Remulla sa pananaw ng mga taong kanilang pinamumunuan? Panghuli, makikita sa tesis na ito a[n]g konklusyon kung saan makikita ang mga pinal na resulta at mga natuklasan sa paggawa ng pag-aaral.