Bangungot: Ang katangian ng mga biktima, proseso ng bangungot, at atribusyon ng mga naiwanan ukol dito

• Main Authors: Magbag, Mary Jane B., Padilla, Michelle R.
• Format: text
• Language: Filipino
• Published: Animo Repository 1996
• Subjects: Nightmares; Psychology
• Online Access: https://animorepository.dlsu.edu.ph/etd_bachelors/3706
• Institution: De La Salle University

Ang pag-aaral na ito ay naglalayong mailarawan ang kabuuang katangian ng mga biktima, proseso ng bangungot, at mga atribusyon ng mga naiwanang kamag-anak o kakilala ukol dito. Ang disenyong ginamit dito ay ang exploratory-descriptive . Ginamit ang metodong case study dahil ito ang nagpupursiging makapaglarawan, makapagsuri at makapagpaliwanag ng penomenang bangungot. Maliban dito, ang katutubong metodo ng pagtatanung-tanong at pakikipagkuwentuhan ay nagamit din. Nagkaroon ng anim na kaso ng bangungot na kung saan bawat kaso ay kinabibilangan ng mga kamag-anak o kakilala ng biktima. Nakuha ang mga kalahok sa pag-aaral sa pamamagitan ng Referral o Snowball sampling. Gumamit ng gabay sa pagtatanung-tanong at pakikipagkuwentuhan, tape rekorder. Sa pag-aaral na ito, napag-alaman na ang kalimitang biktima ng bangungot ay mga kalakihang nasa batang gulang, may matipunong pangangatawan at walang kasaysayan ng ano mang sakit. Natuklasan din ang mga pangyayaring naganap bago, habang, at matapos mabangungot ng mga biktima. Sa mga nasabing pangyayari, nakabuo ang mga kalahok ng mga dahilan o atribusyon sa pagka-bangungot nila. Natagpuan na pinaniniwalaang ang biktima ng bangungot ay maaaring namatay o di-namatay. Sinabing ang pagkakaroon ng masamang panaginip stress at pagod ng katawan pagkain, di pagsunod sa pamahiin at ang di paggising o walang gumising, ang mga pangunahing atribusyong nabuo sa mga namatay. Mula rito ay nakabuo ng mga paraan ng pag-iwas sa penomenang pinag-aarlan.