Konsepto ng usog: Pag-aaral na isinagawa sa bayan ng Dolores, Quezon

• Main Authors: Arcilla, Richard B., Miguel, David Alexander C.
• Format: text
• Language: Filipino
• Published: Animo Repository 2007
• Subjects: Medicine, Magic, mystic, and spagiric > Philippines; Psychology
• Online Access: https://animorepository.dlsu.edu.ph/etd_bachelors/5004
• Institution: De La Salle University

Ang layunin ng pag-aaral na ito ay mabigyang linaw ang konsepto ng usog ng mga taga bundok Banahaw. Ninanais malaman ang mga sanhi, manipestasyon, proteksyon, lunas at paggamot sa usog. Naghanap ng labing-dalwang (12) kalahok, may edad na 30 pataas, lumaki at tumira sa paanan ng bundok Banahaw, Brgy. Sta. Lucia, Dolores, Quezon. Gumamit ng purposive sampling at ng tulay sa paghanap ng mga angkop na kalahok. Ang metodong ginamit sa pag-aaral sa pakikipanayam at bilang pamamaraan ng content analysis sa pagsusuri ng datos gumamit ng KJ method upang makabuo ng mga tema. Ayon sa resulta, ang konsepto ng usog ay isang penomena na maiuugnay sa pananaw ng relihiyon at sa kinaugalian ng kulturang Pilipino. Ang karaniwang sanhi ng usog ay ang pagbati ng isang tao sa paraan ng pisikal, pagkilos at aking kahinaan ng isang tao na nagpapakita ng pagsusuka at pagkahina ng katawan. Ang pangunahing lunas para sa penomena ay pagkakaroon ng malakas na pananampalataya ay darasal ng latin ng mga manggagamot at ang karaniwang pag pahid ng laway sa ibang bahagi ng katawan.