Mapanukso: Isang pag-aaral sa pamagat ng mga pelikulang seks sa Pilipinas gamit ang semantikong pagdulog

• Main Authors: Jimena, Fatima D., Malunes, Cristina V.
• Format: text
• Language: Filipino
• Published: Animo Repository 2006
• Subjects: Titles of motion pictures; Sex in motion pictures; Semantics; South and Southeast Asian Languages and Societies
• Online Access: https://animorepository.dlsu.edu.ph/etd_bachelors/5064
• Institution: De La Salle University

Isang pag-aaral ito patungkol sa pamagat ng mga pelikulang seks sa Pilipinas mula taong 2000 hanggang 2005. Nilayon ng pag-aaral na bigyang pagpapakahulugan ang pamagat ng mga pelikulang seks gamit ang semantikong pagdulog. Binigyang katuturan ang kahulugan ng mga pamagat ayon sa kategoryang kinabibilangan nila sa pamamagitan ng konseptong pinag-haharian nila.Sa resulta ng pag-aaral, nabigyan ng pagpapakahulugan ang mga pamagat sa tulong ng kalidad, intensidad, at kategorisasyon na pinagmulan ng mga salita sa isang pamagat bilang parte ng pagdulog na ginamit. Nabigyan ng labing-anim na kategorya ang mga pamagat at isang talaan ng buong pelikula bilang pagpapatunay na nasakop ngang pag-aralan ang bawat isa. Ang mga natuklasang kategorya ay ang damdamin, trabaho, relasyon, pagkain, katangian, aksyon, bagay, hayop, pangalan, panahon, lugar, katawan, midya, letra/numero, idyoma, at bansag.Pinatunayan ng mga nabigyang kahulugan na mga pamagat na sadyang malawak at masining ang wikang Filipino at ang salitang ginagamit natin kung kaya mahirap na sukatin kung hanggang saan pa hihigit ito. Pinakikilos ng wika ang bawat galaw at pag-iisp ng tao ayon sa kontexto at konseptong kinabibilangan nito."