Pagbabalik tanaw: Isang pagsulyap sa natitirang yaman: Isang pag-aaral sa natitirang mga pamanang tahanan sa bayan ng Santa Ana sa Lungsod ng Maynila

• Main Author: Nacianceno, Patricia Antoinette M.
• Format: text
• Language: Filipino
• Published: Animo Repository 2016
• Subjects: Historic sites > Philippines > Manila; Historic buildings > Philippines > Manila; Historical markers > Philippines > Manila; South and Southeast Asian Languages and Societies
• Online Access: https://animorepository.dlsu.edu.ph/etd_bachelors/14944
• Institution: De La Salle University

Ang pag-aaral na ito ay patungkol sa natitirang mga pamanang tahan[an] sa bayan ng Santa Ana sa lungsod ng Maynila. Pinaniniwalan na ang bayan ng Santa Ana ay tahanan ng ilang makasaysayang mga pook na itinayo sa pag-init ng panahon ng pananakop ng mga Espanyol hanggang sa dumating ang mga Amerikano. Sa panahon ngayon, ang bayan ng Santa Ana ay aituturing na lamang bilang isang distrito ng Maynila partikular sa pinaka-kanlurang bahagi ng Maynila sa bounderyang San Juan, Mandaluyong at Makati. Ang distritong ito ay patuloy pa ring tinuturing bilang isang sub-urban na uri ng komunidad. Ang kasaysayan naman nito ay patuloy pa ring madadama sa presensya ng makalumang mga bahay ang kabanalan at pagiging konserbatibo naman ng mga mamamayan nito ay makikita pa rin sa pamamagitan ng presensya ng simbahan na itinayo noong panahon pa ng pananakop ng mga espanyol sa bansa at ang presensya ng kumbento na patuloy na sumasalamin sa mismong katandaan ng naturang bayan.Sa kasamaang palad, nagpapatuloy ang pagnanais ng ilang malaking kumpanya na gibain ang natitirang mga heritage houses upang bigyang daan ang pagyakap sa modernisasyong buhat ng pagpapatayo ng mga nagtataasang mga condominiums. Sa kabila nito, pilit pa ring nagsasagawa ng mga sarbey ang nakakataas ng mga opisyal ng bayan ng Santa Ana ng sa gayon ay makita ang hangganan na maaring panatilihin ng natititrang mga heritage hosues. Makikita naman sa natitirang heritage houses na ito ang pagkakaroon ng baryasyon sa paraan ng pagkakagawa nito na patuloy na sumsalamin sa natatanging karakter na mayroon ang mga ito na sa mismong bayan lamang makikita.Nakapaloob sa pag-aaral na ito ang pinakahuling datos na nakalakap ukol sa kalagayan at bilang ng natitirang mga pamanang tahanan sa bayan ng Santa Ana. Ipipresinta ang mga datos na ito sa pamamagitan ng paggamit ng iba't-ibang mga talaguhitan at mga imbentaryo. Nakapaloob din sa naturang pag-aaral ang iba't-ibang nakalap na mga impormsyon at datos mula sa pagtungo at pagbisita sa naturang bayan ng Santa Ana at iba pang mga aspekto gaya ng masusing pagsuri sa iba't-ibang mga salik gaya ng kapaligiran at ang mismong lugar na kinatatayuan ng mga natitirang pamanang tahanan. Ang mga RRL na ginamit sa naturang tesis ay maipapangkat o maiuuri sa tatlong dibisyon: Una ay patungkol sa heritage conservation sa pamamagitan ng pagsulong ng mga mamamayan ng Santa Ana na maipanatali ang kinagisnang heritage at iba pang mga pag-aral na konektado rito. Ang ikalawa naman ay mga nakalap na impormasyon ukol sa bayan ng Santa Ana kabilang ang kasaysayan nito at kinagisnang kultura na mayroon ang mga mamamayan nito na patuloy na humuhubog sa identidad ng naturang bayan at nagpapaisa sa mga mamamayang namamalagi rito at ang panghuli ay ukol sa batayang teoretikal na ginamit na preservation of cultural heritage at ang pagtalakay sa pagkakaiba ng tangible at intangible cultural heritage na tinitingnan na susuporta sa daloy ng naturang pag-aaral ukol sa pagpapanatili at pagpreserrba sa natitirang mga pamanang tahanan sa bayan ng Santa Ana sa lungsod ng Maynila.Itinuturing naman ng mananaliksik na gamitin at gawing batayan sa tesis na ito ang teorya ng Preservation of Cultural Heritage upang bigyan linaw ang mga suwestyon at makamit ang layuning isinusulong o binigyang pokus sa naturang pag-aral hinggil sa pagpapanatili sa natitirang mga pamanang tahanan sa bayan ng Santa Ana sa Lungsod ng Maynila. Nakita at binigyang-diin sa teoryang ito na ang pagkamit sa kahalagahan ng pagkakaroon ng malalim na pag-unawa sa kahalagahan ng tangible at intangible cultrual heritage na mayroon o makikita sa isang tiyak na lugar gaya ng sa Sta. Ana ng sa gayon ay mapagtagumpayan ang pagpapanatili o pagpepreserba sa pamanang yaman na mayroon ang naturang bayan.Nais ding bigyang pansin ng pag-aaral na ito ang aksyong gagawin ng gobyerno sa usapin ng pagpreserba sa natitrang mga heritage houses na ito sa mismong bayan. Sa pamagitan ng pagbibigay ng agarang aksyon sa ganitong uri ng usapin, mahihinuha ang mga bagay na dapat gawin sa hinaharap nang sa gayon ay matanto ang potensyal ng mga heritage houses sa Santa Ana at makagawa ng isang epektibong action plan tungo sa lubusang pagdebelop ng naturang bayan.