Ang kahulugan at manipestasyon ng inggit sa pamilya ayon sa persepsiyon ng mga may-asawa sa San Pascual, Obando, Bulacan

• Main Authors: Mercado, Albert Joseph P., Odono, Ma. Cecilia B., Pantanilla, Khristine Joyce S.D.
• Format: text
• Language: Filipino
• Published: Animo Repository 1998
• Subjects: Envy; Jealousy; Married people; Perception; Intuition (Psychology); Psychology
• Online Access: https://animorepository.dlsu.edu.ph/etd_bachelors/7296
• Institution: De La Salle University

Ang deskriptibong pag-aaral na ito ay nakatuon sa pagbibigay ng kahulugan at manipestasyon ng inggit sa pamilya. Ito ay ayon sa persepsiyon ng mga may-asawang napili mula sa San Pascual, Obando, Bulacan. Ang mga kalahok ay napili sa paraang non-probability purposive sampling, mayroong eksaktong animnapu (60) ang kanilang bilang. Isinagawa ang pagkalap ng datos sa pamamagitan ng malalimang pakikipanayam at lahat ng mga kasagutan ay isinailalim sa content analysis. Ginamitan naman ng frequency count ang mga kategoryang nabuo. Ang bawat may-asawa ay may sari-sariling kakulangan sa buhay na may kaugnayan sa pamamalakad niya ng kanyang pamilya, na nabibilang sa Hierarchy of Needs ni Maslow. Ang mga kakulangan ay nagdulot ng ikumpara ang sarili sa ibang tao, at ang pagkalamang ng ibang tao mula sa lahat ng salik ng buhay ay nagdulot ng iba't-ibang emosyon sa mga kalahok. Ang mga emosyon na ito ay napag-alaman na siya na ngang pagkadama ng inggit, at ang ibinahaging persepsiyon ng mga may-asawa ukol dito ay may positibo at negatibong bahagi. Sa pagtatapos ng pag-aaral, nalaman ng mga mananaliksik na hindi gaanong nagagambala ng manipestasyon ng inggit ng mga may-asawa ang kanyang pamilya, at madalas na ang pagkadama nito ay isinasarili na lamang.