Ang sariling-pagkakakilanlan ng mga Pilipinong labintaunin sa mga piling mababa at mataas na paaralan

• Main Authors: Florendo, Caryl Manuel, Flores, Imelda Domingo
• Format: text
• Language: Filipino
• Published: Animo Repository 1996
• Subjects: Identity (Psychology); Adolescence; High school students; Personality assessment
• Online Access: https://animorepository.dlsu.edu.ph/etd_bachelors/7438
• Institution: De La Salle University

Ang pag-aaral na ito ay isinagawa upang makatugon sa pangangailangan ng mga pag-aaral tungkol sa sariling-pagkakakilanlan. Itong pag-aaral na ito ay tinutugunan ang mga sumusunod na mga katanungan: (1) Ano ang sariling-pagkakakilanlan. Itong pag-aaral na ito ay tinutugunan ang mga sumusunod na mga katanungan: (1) Ano ang sariling-pagkakalilanlan ng mga dalaga na nasa ika-limang baitang hanggang pangalawang antas ng mataas na paaralan?; (2) Ano ang sariling-pagkakakilanlan ng isang binata na nasa ika-limang baitang hanggang pangalawang antas ng mataas na paaralan?; (3) Ano ang mga aspeto na nagbibigay-daan sa pagbuo ng sariling-pagkakakilanlan ng mga dalaga na nasa ika-limang baitang hanggang pangalawang antas ng mataas na paaralan?; (4) Ano ang mga aspeto na nagbibigay-daan sa pagbuo ng sariling-pagkakakilanlan ng mga binata na nasa ika-limang baitang hanggang pangalawang antas ng mataas na paaralan? Ang disenyong ginamit sa pag-aaral ay disenyong diskriptibo (descriptive research design). May kabuuang bilang na siyamnapu't anim (96) ang mga kalahok. Ang mga kalahok ay mula sa paaralang San Isidro at La Salle Antipolo na kapwa mga pribadong paaralan. Gumamit ang mga mananaliksik ng mga gabay na mga katanungan para sa isinagawang Group Interview. Sa pagpili ng mga kalahok, gumamit ang mga mananaliksik ng "fish bowl technique" para sa random sampling. Naging iba-iba ang naging kasagutan ng mga kalahok sa pagkakaroon nila ng gustong maging trabaho o kunin na kurso sa hinaharap. Ngunit madalas na naging katugunan ang mga sumusunod na kurso: Medicine, Computer Science, Engineering at Mass Communication. Ang mga nakaimpluwensya naman sa kanila upang kunin ito ay ang mga sumusunod: magulang, pamilya, kaibigan, at lipunan. Karamihan din naman sa kanila ay nakapagdesisyon ayon lamang sa sariling kagustuhan. Ang mga papel nila sa buhay ay halos iisa lamang at ito ang makatapos at makatulong sa mga magulang balang araw. Karamihan naman din sa kanila ay nakapag-sabi na sila ay isang binata at dalaga na. Ang kanilang sariling-pagkakakilanlan naman ay nag-kakaiba din. Ngunit madalas na naging kasagutan ang pagbabago sa sarili at pagkakakilanlan sa sarili. Ang lahat ng ito ay nakakapag-determina ng sariling-pagkakakilanlan ng labintaunin. Ang pagkakaroon ng nasa isip na gustong kunin na kurso o maging trabaho ay hudyat ng pagkakaroon ng maaring pagbabago sa personalidad. Ang papel na ginagampanan sa buhay ang nakakapag-patibay ng hangarin o papel niya sa buhay. Samantalang ang pakiramdam naman ng pagiging binata o dalaga ay nakatutulong sa pagiging hinog na kaisipan ukol sa kanyang sariling-pagkakakilanlan. Ang mga taong nasa paligid naman niya ang nakatutulong sa pagbubuo ng isang ganap na labintaunin.