Ang moderasyon ng pakikipagkapwa sa epekto ng pagiging hindi ibang-tao/ibang-tao sa nangangailangan ng pagtulong

• Main Authors: Mangrobang, Vince, Perillo, Adrian, Martinito, Emmanuel, Tecson, Renzo
• Format: text
• Language: Filipino
• Published: Animo Repository 2017
• Subjects: Help-seeking behavior > Philippines; Interpersonal relations > Philippines; Psychology
• Online Access: https://animorepository.dlsu.edu.ph/etd_bachelors/7922
• Institution: De La Salle University

Ang pananaliksik na ito ay ukol sa epekto ng pakikipagkapwa sa relasyon ng pagiging Hindi Ibang-tao (HIT) o Ibang-Tao (IT) sa pagtulong sa nangangailangan. Mahigit sa 70 kalahok ang naglaro ng dictator game. Sa laro, hinati nila ang isang halaga sa tatlo: para sa kanilang sarili, para sa IT na nangangailangan, at para sa HIT na nangangailangan. Tinukoy ang antas ng kanilang pagpapahalaga sa kapwa sa pamamagitan nito. Ayon sa resulta ng pagsusuri, nakita na mayroong epekto ang pakikipagkapwa sa tulong na ibinigay sa HIT sa IT at sa sarili. Mas mataas ang halagang ibinigay ng mayroong mataas na pakikipagkapwa sa HIT at IT kaysa sa sarili. Halos pantay-pantay ang halagang ibinigay sa sarili, HIT, at IT ng may mababang pakikipagkapwa. Bilang konklusyon, mayroong epekto ang pakikipagkapwa sa pagtulong sa nangangailangan.