Gay relationships: Isang pag-aaral ukol sa mga live-in na relasyon ng mga homosekswal

• Main Authors: Igna, Michelle Sharon D., Muer, Desiree P., Trinidad, Edith O.
• Format: text
• Language: Filipino
• Published: Animo Repository 1995
• Subjects: Homosexuals, Male; Interpersonal relations; Homosexual couples, Male; Psychology
• Online Access: https://animorepository.dlsu.edu.ph/etd_bachelors/7959
• Institution: De La Salle University

Ito ay isang deskriptib na pag-aaral, na ang layunin ay makakuha ng impormasyon tungkol sa pagsisimula hanggang sa pagpapanatili at pagpapatibay ng maglive-in na mga lalaking homosekswal. Tinalakay din ang mga sensitibong mga salik na napapaloob sa homosekswal na relasyon ng mga piling nag-live in na mga lalaking homosekswal dito sa Pilipinas. Ipinakita ang mga pagkakatulad at pagkakaiba ng mga kaso sa isa't-isa. Sinuri ang mga datos na nalakop batay sa konseptwal na balangkas na ibinuo ng mga mananaliksik at binigyan ng malalim na pagtalakay sa mga karanasan ng mga kalahok. Nagkaroon ng apat na pares ng maglive-in na lalakeng homosekswal (walong kalahok lahat), na napasailalim sa in-depth interview upang makalakap ng mga kinakailangang datos. Sa pamamagitan ng malalimang pagsusuri ng bawat kaso, natuklasan na ang pangunahing dahilan ng mga homosekswal sa pagpasok ng relasyon ay companionship. Sa pagdedebelop ng intimet na relasyon ay walang ligawan na nangyayari, meron lamang mutual understanding mula sa parehong indibidwal na nasa relasyon. Walang istriktong role playing na nagaganap sa halos lahat ng magkarelasyon, hinahati ang mga papel batay sa mga kinasanayan, sa kagustuhan at sa interes ng bawat isa. Ang pagtatalik ay napatunayang importanteng elemento ng relasyon bilang ekspresyon ng pagmamahal ng bawat isa sa homosekswal na relasyon. Ang mga lumabas na pangunahing paraan ng paglutas ng problema, at pagpapanatili at pagpapatibay ng homosekswal na relasyon ay ang bukas na komunikasyon, patuloy na pagpapanigurado ng pagmamahal sa bawat isa, pagtitiwala at pagkokompromiso ng pagbibigay daan sa pagkakaiba ng bawat isa.