Mga lalaking tumanggi sa seks: Isang pag-aaral ng mga dahilan at ang impluwensiya nito sa sariling sekswalidad

• Main Authors: Canlas, Carl Vincent G., Lina, April Rose P., Roy, Patria Jane E.
• Format: text
• Language: English
• Published: Animo Repository 1998
• Subjects: Sex; Men; Masculinity (Psychology); Perceptual defense; Psychology
• Online Access: https://animorepository.dlsu.edu.ph/etd_bachelors/8810
• Institution: De La Salle University

Nais ng mga mananaliksik na maunawaan ang mga dahilan sa pagtanggi sa pakikipagtalik, pananaw sa seks, pananaw sa sekswalidad, damdamin sa pagtatalik at ang impluwensiya ng pagtanggi sa sariling sekswalidad. May disenyong eksploratoryo ang pag-aaral na ito. Ang pag-aaral na ito ay nagkaroon ng tatlumpong lalaking kalahok na nasa pagitan ng edad na 17-22. Ang mga kalahok ay nakuha sa pamamagitan ng snowball o non-probability chain referral sampling. Gumamit ng mga papel na may mga panuntunan at katanungang pang repleksiyon. Napag-alaman ng mga mananaliksik na isang dahilan sa pagtanggi ng lalaki sa seks ay ang relasyon nila sa babaeng tinanggihan. Ang pananaw na pagiging sagrado ng gawaing seks at ng pagkatatag ng pagkalalaki ay hindi nagbago matapos ang pagtanggi sa pagtatalik. May damdaming pagkatakot, pandidiri, pagkalito bago tumanggi at pagkatuwa at panghihinayang naman ang karaniwang naramdaman matapos ang pagtanggi. Ang paglakas ng self-control ang siyang naging pinakamalaking impluwensiya sa sekswalidad. Lumitaw na mas napagtibay ang pagpapahalaga sa seks at relasyon sa kapartner matapos ang pagtanggi.