Ang komponent ng Filipino I sa refined secondary education curriculum 2010: isang pagsusuri ng nilalaman ayon sa kontekstong Pilipino

• Main Author: Reyes, Alvin Ringgo C.
• Format: text
• Language: Filipino
• Published: Animo Repository 2012
• Subjects: Education, Secondary > Philippines > Curricula; Filipino language > Study and teaching (Secondary); Curriculum and Instruction; Secondary Education
• Online Access: https://animorepository.dlsu.edu.ph/etd_masteral/7004
• Institution: De La Salle University

Ang pag-aaral na ito ay isang pagsusuri ng nilalaman ng kurikulum sa Filipino I ng Refined Secondary Education Curriculum 2010 (RSEC 2010), ang pinakahuling kurikulum na ipinatupad ng Kagawaran ng Edukasyon na dinisenyo ayon sa framework na Understanding by Design nina Grant Wiggins at Jay McTighe. Sinuri ng pag-aaral ang (1) utilisasyon ng UbD sa RSEC 2010 – Filipino I ayon sa Pilipinolohiya nina Zeus Salazar at Prospero Covar, (2) ang pagkakapili at pagkakaayos ng nilalamang pampanitikan gamit ang Filipinong Pananaw ni Virgilio Almario, at (3) ang pagkakapili at pagkakaayos ng nilalamang pangwika gamit ang Teorya ng Konstruktibismo ni Jerome Bruner. Kuwaliteytib ang dulog na ginamit sa pag-aaral, deskriptib-analitik ang disenyo, mapanuring pananaliksik at analisis ng teksto ang metodo, at ang Kurikulum ng Edukasyong Sekondari 2010 – Filipino I ang teksto.