Pagsipat sa kultural na representasyon ng musika ng grupong SB19 batay sa musikang popular ni Theodor Adorno

• Main Author: Hernandez, Jyllan Kyla Roemi Q.
• Format: text
• Language: Filipino
• Published: Animo Repository 2023
• Subjects: Boy bands > Philippines; Popular music; Asian Studies
• Online Access: https://animorepository.dlsu.edu.ph/etdb_fil/14; https://animorepository.dlsu.edu.ph/context/etdb_fil/article/1014/viewcontent/2023_Hernandez_Pagsipat_sa_Kultural_na_Representasyon_ng_Musika_ng_Grupong_SB19_Full_text.pdf
• Institution: De La Salle University

Sa kabila ng pananaig ng mga banyagang musika sa makabagong midya, hindi nagpatinag ang Pinoy pop group na SB19 upang lusungin ang parehong lokal at internasyonal na entablado gamit ang musikang Pilipino. Sa kasalukuyang estado ng musika sa globalisasyon, maituturing bilang gahum ang pag-impluwensya ng grupong SB19 sa kung ano ang nahuhulma sa paggawa ng musikang popular na maihahalintulad sa iba pang bansa at kultura. Gamit ang teoryang Standardization ni Theodor Adorno at tekstwal na analisis bilang metodo, susuriin sa tesis na ito ang limang awitin at music video ng SB19; What?, Mapa, Bazinga, SLMT at Ligaya bilang teksto at palitawin ang kultural na representasyon. Sa unang substantibong seksiyon, matatalakay ang mga mensaheng nakapaloob sa awitin ng SB19. Sa ikalawang substantibong seksiyon, mailalahad naman ang mga mensaheng nakapaloob sa music video ng SB19. Layunin ng papel na ito na mailatag ang paglitaw ng kultural na representasyon sa musika ng SB19 bilang pangunahing pagbebenta nito sa merkado na nakapalaoob sa musikang popular at sa paanong paraan nagiging popular ang kanilang musika. Sa kanilang pagsikat bilang Ppop boy group, patunay ang kanilang mga binubuong awitin at music video sa pagrerepresenta ng pagkakakilanlan ng mga Pilipino sa makabagong midya.