ImaheNasyon: Mga maikling pelikula ng Cinemalaya (2005-2020) at ang pagharaya ng bansa

• Main Author: Corpuz, David R.
• Format: text
• Language: Filipino
• Published: Animo Repository 2021
• Subjects: Short films; Independent films; Digital cinematography; Cinemalaya; Film and Media Studies
• Online Access: https://animorepository.dlsu.edu.ph/etdd_fil/3; https://animorepository.dlsu.edu.ph/cgi/viewcontent.cgi?article=1001&context=etdd_fil
• Institution: De La Salle University

Argumento ng kasalukuyang pag-aaral na dumarami man ang mga iskolarsyip tungkol sa pelikulang Pilipino ay nananatili naman ang kawalan ng pag-aaral sa maiikling pelikula, sa parehong diskurso ng pelikulang pambansa at independent cinema. Dahil malaya sa motibasyong kumita, ipinapalagay na ang maiikling pelikula ay mga tekstong sisidlan ng malawak na imahinasyon ng bansa. Makikita rito ay ang kakaibang mga paraan ng pagpapahayag at mga kuwento, danas, at temang hindi nabibigyan ng espasyo sa mga pelikulang ganap ang haba. May mga institusyong tulad ng Cinemalaya na nagsilbing plataporma para sa maiikling pelikula, subalit sa likod ng tagumpay nito ay wala pa ring pag-aaral tungkol dito. Gamit ang mga konsepto ng pelikulang pambansa na halaw sa imagined communities ni Benedict Anderson at ang balangkas ng Philippine New Wave Indie Film ni Nicanor Tiongson, sinuri ang maiikling pelikulang kalahok sa labing-anim na taon ng Cinemalaya (2005-2020). Sa pagsisiyasat sa mga moda ng produksiyon, teknolohiya, estetika, at mga kategoryang namayani sa “Cinemalaya Shorts,” nilalayon ng pag-aaral na matuklasan ang saysay ng maiikling pelikula bilang lunsaran ng imahinasyon ng bansa.