Suring-morfolohikal sa mga likhang-salita ng mga mag-aaral sa kolehiyo ng Angeles University Foundation

• Main Authors: De Guzman, Nestor C., Yambao, Leonora L., Razon, Mary Grace S.
• Format: text
• Published: Animo Repository 2010
• Subjects: Filipino language—New words; Words, New; South and Southeast Asian Languages and Societies
• Online Access: https://animorepository.dlsu.edu.ph/faculty_research/6229
• Institution: De La Salle University

Layunin ng pananaliksik na ito na makalap ang mga likhang salita ng mga mag-aaral at masuri kung ano ang iba't ibang kaparaanang kanilang ginagawa sa pagbubuod. Bilang resulta, lumitaw sa pag-aaral na ito na ang pagbubuo ng bagong salita ang madalas na gamitin ng mga respondyente na sinundan pa ng ibang kaparaanan gaya ng paglalagay ng mga bagong kahulugan sa mga dating salita, paggamit ng mga numero, paggamit ng akronim, pag-uugnay ng dalawang wika, paglalaro, paghihiram at paggamit ng tunog. Napatunayan din na ang pagpapakahulugan sa mga salita ay depende sa tagapagsalita na bumuo ng mga salita na nauunawaan ng mga taong sangkot sa komunikasyon. Kapansin-pansin na may mga pagkakataong malapit ang mga kahulugan sa mga salita, ngunit may mga salita ring may malayong kahulugan. Sa kabuuan, napatunayang patuloy na lilikha ang tao ng mga salitang kanyang magagamit sa komunikasyon at ang kahulugang kanyang iuugnay sa mga ito ay nauunawaan din ng mga taong kanyang laging kasama o nakakausap.