Higit pa sa globo at mapa: Ang papel ng geograpiya sa pananaliksik at pagtuturo ng kasaysayan

• Main Author: Juan, Ma. Florina Orillos
• Format: text
• Published: Animo Repository 2008
• Subjects: Geography; History—Study and teaching; History
• Online Access: https://animorepository.dlsu.edu.ph/faculty_research/7134
• Institution: De La Salle University

Pangunahing paksa ng papel na ito ang pagpapaliwanag ng masalimuot na ugnayan ng Geograpiya at kasaysayan. Yayamang nadalumat na sa ilang pagkakataon ang kahulugan ng kasaysayan at ang kasaysayan ng kasaysayan bilang isang disiplina (Salazar, 1983 at Navarro, 2000), ang unang bahagi ng sanaysay na ito ay nakatuon sa maikling pagtalakay ng Geograpiya, partikular ang kaibahan ng dalawang sangay nito - pisikal at pantaong geograpiya. May nakalaan na dalawang seksyon ukol sa pananaliksik at pagtuturo upang mahimok ang mga guro at mag-aaral ng kasaysayan na isaalang-alang ang papel ng geograpiya sa kani-kanilang pag-aaral. Makabuluhan na mabatid, mapag-aralan, at maiaplay ang lapit, metodolohiya, at sanggunian ng bawat disiplina upang maging kapwa ito kapaki-pakinabang sa isa't isa, at gayundin upang maging kritikal at mas makabuluhan ang paggagap at pag-unawa sa kasaysayan.