Uso Pa Ba ang Pakikibaka: Kontekstuwalisasyon ng Piling Awiting Makabayan sa Panahon ng Pandemya

• Main Author: Agoncillo Jr., Ronnel B.
• Format: text
• Published: Animo Repository 2024
• Subjects: awit; covid; lipunan; mainstream; Makabayan; Arts and Humanities; Music; Social and Behavioral Sciences
• Online Access: https://animorepository.dlsu.edu.ph/malay/vol37/iss1/1; https://animorepository.dlsu.edu.ph/context/malay/article/1000/viewcontent/1agoncillo_revised.pdf
• Institution: De La Salle University

Ang mga awitin ay isang magandang daluyan ng pagpapahayag ng mensahe kabilang ang pagpapataas ng diwang makabayan sa pamamagitan ng pagiging malay sa mga isyung panlipunan buhat ng pagmamahal sa bayan. Sa kasaysayan ay marami nang makabayang awitin ang napakikinggan sa mainstream media o tampok na midya, higit pa, ilan sa mga ito ay naging inspirasyon para sa ilang pagbabagong panlipunan. Sa pagpasok naman ng panahon ng pandemya (taong 2020–2022) at laganap na korupsiyon at katiwalian ay may ilang makabayang awitin pang sumalungat sa usong genre at tema ng mga awiting nangunguna sa mga tsart. Layunin ng papel na ito na mabigyang kontekstuwalisasyon ang tatlong awiting mainstream na may temang politikal (“Kapangyarihan” ng Ben&Ben (2022), “Dekada ’70” ni Zild (2022), at “Sanggol” ng Muni-muni (2020)). Iuugnay ang mahahalagang pangyayari sa lipunan na pinapaksa ng mga awitin at ang mas malalim na suri sa mga suliranin ng bayan buhat dito, gayundin ang paggamit ng makabayang awitin upang matalakay ang mga tiyak na isyung panlipunan, isyung panlipunan sa nakaraan, at pangkalahatang kalagayan ng lipunan. Magiging pangunahing gabay sa porma at pagtalakay ng papel na ito, at maaaring maging pagtutuloy, ang papel na “Ang Euphoria, Pakikibaka, at Bahala Na: Kontekstuwalisasyon ng Piling Awiting Post-EDSA” ni David Michael San Juan.