Pangangapital Sa Yamang-Tao: Susi Sa Pagsulong Ng Rehiyong Asya-Pacifico

• Main Author: Tullao, Tereso S., Jr
• Format: text
• Published: Animo Repository 2015
• Subjects: APAC; Economic Growth; Human Capital; Growth and Development
• Online Access: https://animorepository.dlsu.edu.ph/res_aki/66; https://animorepository.dlsu.edu.ph/cgi/viewcontent.cgi?article=1055&context=res_aki
• Institution: De La Salle University

Maraming akademiko ang naniniwala na ang mga pagbabago sa pagpasok ng ika-21 siglo ay nakatuon sa mga isyung natutungkol sa rehiyon ng Asya-Pasipiko. Ang mga tantiyang ito ay nakabatay sa mga makabuluhang pag-unlad ekonomiko at pagbabagong pulitikal na naranasan ng rehiyon sa mga nakaraang dekada. Sa hinaharap, tinataya na ang istruktura ng lipunan, ekonomiya at demograpiya ng rehiyon ay huhubugin ng ilang mahahalagang salik, kasama na ang pag-angat ng dalawang pinakamataong bansa sa mundo, ang Tsina at India, ang mahalagang papel na ginagampanan ng mga inobasyong teknolohikal na nagaganap sa mga papasulong na ekonomiya hindi lamang sa Japan at Korea at ang pagpapalawak ng bilihan sa rehiyon bunga ng sumisiglang ekonomiya ng maraming bansa sa ASEAN. Sa kasalukuyan, ang rehiyon, kasama ang pinagsama-samang ekonomiya ng Pasipiko na kinakatawanan ng APEC, ay bumubuo sa tinatayang kalahati ng kabuuang GDP ng mundo at pandaigdigang kalakalan.