Tropikong Americano

• Main Author: Isaac, Allan Punzalan
• Format: text
• Published: Archīum Ateneo 2023
• Subjects: pagka-Americano; aporia; tropiko; temporalidad; (di-) pagkakabilang; Asyano AmericaAmericanness; tropics; temporality; unincorporated; Asian America
• Online Access: https://archium.ateneo.edu/katipunan/vol11/iss1/4; https://archium.ateneo.edu/context/katipunan/article/1004/viewcontent/Katipunan_202023_2011_20No._201_204_20Mga_20Artikulo_20__20Isaac.pdf
• Institution: Ateneo De Manila University

Sinusuri ng American Tropics ang teoretiko at historikong muhon ng terminong ito sa mga araling postkolonyal, Americano, Asyano Americano, at pampanitikan. Nagpepresenta ang “tropikong Americano” buhat sa imperyal na pagnanasa at pantasyang Americano ng iba pang mukha ng kultural na harayang Asyano Americano upang madesentro ang imigrasyon at eksklusyon bilang pangunahing tuon ng pagbubuong panlahi ng Asyano Americano. Kung mahalagang bahagi ng mga identidad na Asyano Americano ang imperyalismong kultural at ekonomikong Americano bilang “pagbubuong panlipunan” sa mga ito, para hiramin na rin ang pagtukoy nina Omi at Winant hinggil sa lahi at pagsasalahi, paano hinuhubog ng pagnanasang imperyal na ito ang panlipunang harayang Asyano Americano? Lumikha ang puwersahang (di-)pagkakabilang ng Pilipinas sa domestikong mundo ng Estados Unidos ng isang maanomalyang anyo ng “imigrasyon” sa loob ng espasyong nasyonal, pati na ng “ingklusyon” ng isang napailalim na legal na subheto. Sa pagsusuri sa kasaysayan ng Estados Unidos at mga gawain ng estado na alinsabay na nasa labas ng at nakapaloob sa mga hangganan nito, nakikilala ang mga alternatibong subhetibidad na Americano na umuusbong mula sa mga gayong pagkakabinbin at pagka-labas-loob.