Mapa ng Los Baños Patungo Sa ‘yo

• Main Author: Imbat, Vincent
• Format: text
• Published: Archīum Ateneo 2023
• Subjects: artsibo; borador; elektronikong literatura; kasaysayan ng paglalakad; panitikan ng paglalakad; paglalakad; talahardin
• Online Access: https://archium.ateneo.edu/katipunan/vol11/iss2/63; https://archium.ateneo.edu/context/katipunan/article/1041/viewcontent/Katipunan_2011.2_202023_20__20Imbat_20__20Mapa_20ng_20Los_20Ban_CC_83os_20Patungo_20Sa_27yo.pdf
• Institution: Ateneo De Manila University

Ang mga akdang itinuturing na pamantayan sa kung ano ang panitikan ay madalas na may katangian ng pagiging tapos, ganap, buo, at nailimbag sa papel. Iniaalok ng hybrid na malikhaing akdang “Mapa ng Los Baños Patungo Sa ‘yo” at ang kakabit nitong sanaysay ang isang alternatibong pagtingin sa kung ano ang literatura at kung paano maaaring isapraktika ang malikhaing pagsulat sa isang post-print na mundo. Nagpapaanyaya ang akdang ibalik ang pagsusulat sa mala-borador nitong katangian, isang katangiang kumikiling sa pagtanaw sa pagsusulat bilang isang dinamikong prosesong nagluluwal ng mga sulating hindi tapos at solido, bagkus ay patuloy na kumikilos, nagbabago, at umaangkop sa panahon. Upang maisagawa ang proyektong ito, iniaalok ng akda ang mabisang paggamit ng isang personal at digital na artsibong tinatawag na Talahardin, ang paggamit ng mga metodolohiyang nagluluwal ng mala-borador na mga sulatin tulad ng paglalakad, at ang pagkilala sa kalipunan ng mga gawa ng isa bilang isang hindi natatapos na borador.