A’TIN ‘to! Ang Wika at mga Karanasan ng SB19 Fandom sa Social Media

• Main Author: Batinga, Erilyn Michelle L.
• Format: text
• Published: Archīum Ateneo 2025
• Subjects: P-pop; SB19; A’TIN; wika ng fandom
• Online Access: https://archium.ateneo.edu/katipunan/vol12/iss1/6; https://archium.ateneo.edu/context/katipunan/article/1109/viewcontent/Katipunan_2012.1_202024_20__20Batinga_20__20A_E2_80_99TIN_20_E2_80_98to_21_20Ang_20Wika_20at_20mga_20Karanasan_20ng_20SB19_20Fandom_20sa_20Social_20Media.pdf
• Institution: Ateneo De Manila University

Ang fandom ay itinuturing na natatanging penomenong sosyo-kultural. Ito ay nagbunga na ng subkultura na hindi alintana ang lokasyon o henerasyon, at nakabuo na ng mga komunidad online man o offline. Upang maunawaan ang kulturang ito, kailangang bigyang-pansin ang wika gayundin ang mga katangian ng wika na bumubuo rito. Ang pangkat P-pop na SB19 ay namamayagpag ngayon sa lokal at internasyonal na music scene dahil na rin sa kanilang masusugid na tagahanga o fandom—ang A’TIN—na tumulong paingayin ang pangalan ng grupo sa social media katulad ng X (dating Twitter) kung saan rin sila unang naging viral noong Setyembre 2019. Sa nasabing plataporma rin isinilang ang partikular na tekstong fan na ginagamit sa pakikipag-ugnayan ng A’TIN sa mga kapwa nila tagahanga at maging sa mga hinahangaang mang-aawit. Bilang pagsilip sa kultura ng nasabing fandom, isinagawa ang pananaliksik na ito upang alamin kung papaano nakaaapekto ang pagbuo at paggamit ng wika ng fandom sa social media sa kanilang karanasan bilang mga tagahanga. Kuwalitatibong pananaliksik na may deskriptibong dulog ang ginamit sa pag-aaral na ito. Batay sa karanasan ng mga tagahanga, ibinunyag ng mga kalahok na ang paggamit ng wika ng A’TIN ay nakapagbibigay sa kanila ng pakiramdam na sila ay kabilang sa iisang komunidad, tumutulong na makabuo ng ibayong relasyon sa kapwa A’TIN, at nakapagpapaniwala na ang wika ng fandom ay bahagi na ng branding ng SB19.