Kulturang Popular sa Panahon ng Pandemya: Isang Kritikal na Discourse Analysis ng Musikang “Ikako” ng SB19

• Main Authors: Vanguardia, Marc Arnel D., Vanguardia, Macflor Angelnina D.
• Format: text
• Published: Archīum Ateneo 2025
• Subjects: SB19; industriya ng kultura; kulturang idol; P-pop; pandemya
• Online Access: https://archium.ateneo.edu/katipunan/vol12/iss1/9; https://archium.ateneo.edu/context/katipunan/article/1112/viewcontent/Katipunan_2012.1_202024_20__20Vanguardia_20_26_20Vanguardia_20__20Kulturang_20Popular_20sa_20Panahon_20ng_20Pandemya.pdf
• Institution: Ateneo De Manila University

Sa panahon ng pandemya, sumibol muli ang pagtangkilik sa musikang popular bilang genre at naging lunsaran ito sa pagsikat ng P-pop idol group na SB19. Ang kanilang kantang “Ikako” (na inilabas noong 2020) ay isang awiting kanilang inialay sa mga frontliner at kanilang mga tagahanga sa kalagitnaan ng mga lockdown upang magbigay ng saya, ginhawa, at pag-asa. Mahalaga ang naging papel ng musika at mga fandom sa naturang panahon bilang mga salik na nag-angat sa kalusugang pangkaisipan ng mga kumokonsumo nito, at gayong isang tiyak na halimbawa ang “Ikako” ng mga awiting tahasang naglayong maisakatuparan ito. Sa pamamagitan ng critical discourse analysis, sinusuri rito ang “Ikako” bilang isang tekstong produkto ng industriya ng musikang popular at kulturang idol na nagbubunsod sa diskurso ng resilience at pagkakaisa, at na naglilihis din sa pananaw at kamalayan ng mga tagapakinig nito mula sa mga kagyat na isyung kinahaharap ng bayan. Tinatalakay din dito ang mga hamon ng pag-iral ng mga artistang Filipino tulad ng SB19 sa isang industriyang nagmumula sa mga namamayaning banyagang kultura, alinsabay sa kanilang pagtanggap o pagbaling mula sa nangingibabaw na mga kasanayan at pagpapahalagang dulot ng mga ito.