Ang basehan sa pagpili ng katipan ng kasalukuyang henerasyon ng mga tsinoy

• Main Authors: Chan, Emerald Sy, Del Cano, Valerie Anne R., Jao, Jacqueline Uy
• Format: text
• Language: Filipino
• Published: Animo Repository 2002
• Online Access: https://animorepository.dlsu.edu.ph/etd_bachelors/11732
• Institution: De La Salle University

Ang pag-aaral na ito ay tungkol sa basehan sa pagpili ng katipan ng kasalukuyang henerasyon ng mga Tsinoy. Ito'y naglayong malaman ang katangiang hinahanap ng mga Tsinoy sa kani-kanilang katipan, kung ang nakagauliang tradisyon ay sinusunod pa, at ang kahihinatnan ng pakikipagrelasyon ng Tsinoy sa Tsinoy at Tsinoy sa Pilipino. Isinagawa ang pag-aaral na ito sa pamamagitan ng malalimang pakikipagpanayam sa labinlimang Tsinoy. Natagpuang karamihan sa tagapagbatid ay gustong makarelasyon ang kalahi nila. Magkagayon pa man, bukas ang kanilang isipang magkaroon ng relasyon sa hindi nila kalahi pero takot pa silang sumuway sa kanilang magulang. Magkaibang impresyon ang mga ipinahayag ng mga Tsinoy tungkol sa mga Pilipinong lalaki at babae. Inilahad ng mga tagapagbatid ang kaibahan sa pagpapakita ng pagmamahal ng mga Tsinoy at Pilipino maging ang sa tingin nilang magiging kahihinatnan sa pakikipagrelasyon ng Tsinoy sa Tsinoy at ng Tsinoy sa Pilipino. Isinagawa ang pag-aaral na ito hindi upang makasakit ng damdamin ng anumang lahi kung hindi upang mas maging bukas ang isipan ng mga magulang sa bigyang kalayaan ang kani-kanilang mga anak sa pagpili ng katipan.