Baysanan: Ang kasalang Batangueño bilang kultural na kapital

• Main Author: Cortez, Gina M.
• Format: text
• Language: Filipino
• Published: Animo Repository 2020
• Subjects: Weddings > Philippines > Batangas; Weddings in popular culture; Other Languages, Societies, and Cultures
• Online Access: https://animorepository.dlsu.edu.ph/etd_masteral/5906; https://animorepository.dlsu.edu.ph/context/etd_masteral/article/12877/viewcontent/Cortez_Gina_11482885_Partial.pdf
• Institution: De La Salle University

Ang baysanan ay katutubong tawag ng mga Batangueño sa kasalan na kinapapalooban ng mayamang tradisyon at mga prosesong sinusunod at kinikilala ng mga ikinakasal sa loob ng komunidad hanggang sa kasalukuyan. Layunin ng pag-aaral na ito na maipakita hindi lamang ang iba’t ibang yugto ng baysanan sa Batangas kundi pati na rin ang papel na ginagampanan nito sa larangan ng ekonomiks. Gamit ang diskurso ni David Throsby na nakaangkla naman sa teorya at ideya ni Pierre Bourdieu, inilahad sa papel na ito kung paano naging isang kultural na kapital ang kasalang Batangueño.Nakita sa pag-aaral na ang baysanan sa Batangas ay kinapapalooban ng tatlong yugto: a. bago ang baysanan; b. araw ng baysanan; c. pagkatapos ng baysanan Nakapaloob sa unang yugto ang pagpaplano at preparasyon sa baysanan gaya ng bulungan, paghahanda sa lahat ng mga gagamitin sa baysanan, martesan, paglalawo, pagdadahon, pagniniyog, pagbibigay ng dulot o sabit, lipatan, panunulungan, pahapunan at sabitan. Kabilang naman sa ikalawang yugto ang aktuwal na seremonya ng pagpapakasal, reception, at sabugan samantalang sa huling yugto naman nakapaloob ang tradisyonal na dapit ng mag-asawa.