AmBEAT sa Imo!: Wika at Kultura sa mga Awiting Visayas (VisPop)

• Main Authors: Elfa, Mikaella Rianne, Guevarra, Juliana Krishna, Solano, Abbygail
• Format: text
• Published: Archīum Ateneo 2025
• Subjects: P-pop; VisPop; Visayas; wika; kultura; kulturang popular; TikTok
• Online Access: https://archium.ateneo.edu/katipunan/vol12/iss1/12; https://archium.ateneo.edu/context/katipunan/article/1115/viewcontent/Katipunan_2012.1_202024_20__20Elfa_20__20Guevarra_20__20Solano_20__20AmBEAT_20sa_20Imo.pdf
• Institution: Ateneo De Manila University

Itinatampok ng VisPop o Visayan Pop Music ang isang uri ng kontemporanyong sining na layong magbahagi ng pagkakakilanlan at kultura sa katimugan ng Pilipinas. Bilang pagsabay sa kulturang popular, nagiging lunsaran ito ng kasaysayan, karanasan, at damdamin na madalas na hindi nabibigyang-pansin sa mga usaping pambansa at pandaigdig. Sa kabila nito, higit namang pinalalawak ng social media platforms gaya ng TikTok ang saklaw ng VisPop dulot na rin ng mga pakanang uso na may nakaaaliw na katangian para sa mga video, sayaw, at iba pang uri ng pagtatanghal. Nilalayon ng papel na alamin ang kaakibat na mensahe at impluwensiya ng pagsulong ng awiting VisPop sa larang ng musika. Sa pagsusuri sa tema, lirika, at estilo ng mga awiting ito sa paraan ng relay translation (pagsasalin ng mga lirika), naipakita ang taglay na kahalagahan ng ugnayan sa pagitan ng musika at pagkakakilanlan ng mga Bisaya. Bilang karagdagan, tinatalakay rito ang mga temang tulad ng pagmamahal, pagmamalaki sa pagkakakilanlan, at pamumuhay bilang mga Bisayang nakapaloob sa mga nasuring kanta mula sa mga Bisayang musikerong gaya nina Shoti, JK Labajo, ALAMAT, at Ken ng grupong SB19. Sa patuloy na pagsulong ng VisPop, ipinamalas din ang kakayahan na makisabay o mahigitan pa ang ibang mga sikat na genre ng musika na kinagigiliwan sa bansa tulad ng P-pop.